Rýdnyıda eki búldirshinniń ólimine qatysty qylmystyq is qozǵaldy

RÝDNYI. QazAqparat - Rýdnyıda alty jasar eki aǵaıyndynyń ólimine qatysty sotqa deıingi tergeý amaldary bastaldy. Qostanaı oblysy polıtsııa departamentiniń baspasóz qyzmeti atalǵan faktige túsinik berdi, dep habarlaıdy QazAqparat.

«Rýdnyı qalasynda alty jasar eki balanyń ólimi faktisi boıynsha polıtsııa sotqa deıingi tergeýdi bastady. Tıisti tergeý amaldary júrgizilip jatyr», - delingen polıtsııa habarlamasynda.

Osy arada qostanaılyqtar messendjerlerde anasy balalardyń ólimine esirtkiden ýlaný sebep bolýy múmkin ekenin aıtyp jatqan aýdıojazba taratty.

Jazbaǵa sáıkes, anasy men uldary dúkenge barǵanda balalary syrtta qalǵan. Anasy dúkennen shyqqanda, eki ulynyń qolynda kámpıt bar ekenin kórgen.

Balalar táttini beıtanys aǵa ustatyp ketkenin aıtady. Úıge kelgende áıel kámpıtti qoqys jáshigine tastaǵan. Biraq, balalary ony sol jerden alyp jeýi múmkin.

Áıeldiń aıtýynsha, balalar búgin jerlenedi.

Buǵan deıin habarlanǵandaı, Rýdnyıda alty jasar eki bala aýrýhanadan shyqqan kúnniń keshinde qaıtys bolǵan.