Rýdnyıda eki áıeldi óltirip ketken kúdikti ustaldy
RÝDNYI. QazAqparat – Rýdnyıda eki áıeldi óltirip ketken 39 jastaǵy kúdikti ustaldy, dep habarlaıdy QazAqparat.
Aqparatty oblystyq polıtsııa departamenti baspasóz qyzmetiniń mamany Kenje Qonysbaı rastady.
«Oqıǵa 21 aqpan kúni bolǵan. Rýdnyı qalasynyń turǵyny polıtsııaǵa habarlasyp, 68 jastaǵy ápkesiniń telefon qońyraýyna jaýap bermeıtinin aıtqan. Keıin onyń 34 jastaǵy týysy joǵalyp ketkeni anyqtaldy. Іzdeý sharalary barysynda keshe eki áıeldiń de denesi tabyldy. Osy is boıynsha 39 jastaǵy kúdikti qolǵa tústi»,- dedi Kenje Qonysbaı agenttik tilshisine.
Kúdikti buǵan deıin de qylmys jasap, túrmege qamalǵan. Tergeý sharalary jalǵasýda.
