Rýdnyıda áıel óz baýyryn pyshaqtap tastady
QOSTANAI.QazAqparat - Qostanaı oblysynda 42 jastaǵy áıel inisine pyshaq saldy, dep habarlaıdy QazAqparat.
Oqıǵa 6 qyrkúıekte Rýdnyı qalasynda bolǵan. Aqparatty oblystyq prokýratýra qyzmetkerleri búgin rastady. Oqys jaıt túngi birler shamasynda bolady. 42 jastaǵy áıel 40 jastaǵy inisimen spırttik ishimdik ishken. Ekeýiniń arasynda kıkiljiń týyndap, áıel óz baýyrynyń qaryn tusyna pyshaq suǵyp alady. Aýyr jaralanǵan er adam Rýdnyı qalalyq aýrýhanasynda statsıonarlyq em qabyldap jatyr.
Aıyptalýshy QR QK 106-babynyń 1-tarmaǵyna sáıkes kúdikke ilindi. Ol bul qylmysy úshin 7 jylǵa deıin bas bostandyǵynan aıyrylýy múmkin.
