Rýdnyıda áıel adamdy kólik qaqty
QOSTANAI.QazAqparat - Rýdnyı qalasynda 30 jastaǵy áıeldi kólik qaǵyp ketti, dep habarlaıdy QazAqparat.
Oblystyq ІІD baspasóz hatshysy Irına Bejenar aıtqandaı, oqys jaǵdaı Lenın - Marıte kósheleriniń qıylysynda bolǵan.
«Vaz 2101» avtokóligin mingen 68 jastaǵy er adam jaıaý júrginshiler jolaǵynda 30 jastaǵy áıeldi qaǵyp ketti. Aýyr soqqy alǵan áıel qalalyq aýrýhananyń jaraqattaný bólimine jetkizildi. Atalǵan fakt boıynsha sot-medıtsınalyq saraptamasy taǵaıyndaldy», - dedi vedomstvo ókili.
Aıta keteıik, 29 sáýir kúni dál osy jol qıylysynda Jitiqaradan kele jatqan mıkroavtobýs BMW avtokóligine soǵyldy. Saldarynan 25 jastaǵy jigit kóz jumdy.
