Rýdnyıda 9 qabatty turǵyn úıden órt shyqty
ASTANA. QazAqparat - Qostanaı oblysyna qarasty Rýdnyı qalasynda 9 qabatty úıden órt shyqty. Bul týraly QR ІІM Tótenshe jaǵdaılar komıtetiniń resmı ókili Nursultan Nurahmetov málim etti, dep habarlaıdy QazAqparat tilshisi.
Onyń dereginshe, búgin tańerteńgi saǵat 10:00-de órtke qarsy qyzmettiń kezekshilik bólimine Qostanaı oblysyna qarasty Rýdnyı qalasynyń Korchagın kóshesi boıyndaǵy 9 qabatty úıden órt shyqqandyǵy týraly habarlama túsken.
«Órt 2-qabattan shyqqan jáne 40 sharshy metr aýmaqty sharpyǵan. Órt sóndirý qyzmetiniń mamandary 24 adamdy qaýipsiz jerge kóshirdi, onyń úsheýi - bala. Taǵy bir bala qutqaryldy. Órt saǵat 10-58-de tolyqtaı óshirildi. Zardap shekkender men qaza tapqandar joq. Aldyn ala derekterge sáıkes órt otty abaısyz paıdalýdan shyqqan», - dedi resmı ókil.
N.Nurahmetovtiń aıtýynsha, qyzyl jalyndy sóndirýge Qostanaı oblystyq TJK jeke quramynyń 13 mamany men 3 tehnıkasy jumyldyrylǵan.
