Rýdnyıda 9-qabattan sekirmek bolǵan qyz qutqaryldy
QOSTANAI. QazAqparat - Búgin Rýdnyı qalasynda polıtseıler óz-ózine qol salmaq bolǵan 22 jastaǵy qyzdy qutqaryp qaldy, dep habarlaıdy «QazAqparat» HAA tilshisi.
Qostanaı oblystyq ІІD baspasóz hatshysy Elena Kasharına túsindirgendeı, «búgin túnde Rýdnyı qalalyq ІІB jedel basqarý ortalyǵynan aǵa serjant Azamat Ospanov pen kishi serjant Batyrjan Uzaqbaı otbasylyq janjal týyndaǵan Korchagın kóshesindegi úılerdiń birine jiberildi. Baspaldaq alańynda polıtseılerdi áıel kútip alyp, kórshisi otbasylyq urystan keıin shatyrǵa kóterilip ketkenin habarlaǵan».
Tártip saqshylary qyzdyń sońynan betteıdi. Shatyrǵa birinshi bolyp kishi serjant Batyrjan Uzaqbaı shyǵady. Ol qyzdy sekirmeýge kóndirý úshin tyrysyp baǵady. Qyz ony tyńdaýdan bas tartady. Osy kezde shatyrǵa ekinshi polıtseı Azamat Ospanov kóteriledi.
«Ol áriptesimen birge qyzǵa bildirtpeı jaqyndap, ony shatyrdyń shetinen túsirmekshi bolady, - deıdi E. Kasharına. - Polıtseıler birneshe sekýndtyń ishinde ony qaýipsiz jerge alyp shyqty».
Keıin anyqtalǵandaı, qyz súıiktisimen janjaldasyp, sýıtsıdke barmaqshy bolǵan. Zardap shegýshimen psıhologtar jumys jasaýda.
