Rýdnyıda 70-ten astam stýdent kolledj ashanasyndaǵy tamaqtan ýlandy

RÝDNYI. QazAqparat - Rýdnyı qalasynda kolledj ashanalarynyń birinde stýdentter jappaı tamaqtan ýlandy, dep habarlaıdy QazAqparat tilshisi.

Qostanaı oblysy ákimdiginiń densaýlyq saqtaý basqarmasy emdeýge jatqyzylǵan stýdentterdiń jaǵdaıyn aıtty.

Rýdnyı taý-ken tehnologııa kolledjiniń 70-ten astam stýdenti jergilikti ashanada ýlanǵan.

Zardap shekkender júregi aınyp, qusqysy kelgenine shaǵymdanyp qalanyń medıtsına mekemelerine júgingen.

«Stýdentter aýrýhanaǵa jappaı shaǵymdanyp barǵan. Jaǵdaılary negizinen jeńil jáne ortasha aýyr. Kópshiligi ambýlatorııalyq emdeýge jiberildi. Dárigerler naýqastardyń asqazanyn jýyp, alǵashqy kómek kórsetti, sosyn úıine qaıtardy», - dep túsindirdi oblystyq densaýlyq saqtaý basqarmasy.

Sondaı-aq, vedomstvo 10 stýdenttiń aýrýhanaǵa jatqyzylǵanyn habarlady.