Rýdnyıda 600-ge jýyq úıge jylý qaıta berile bastady
«13 naýryzda saǵat 04:20 shamasynda «Rýdnyı jylý jelileri» JShS kezekshi brıgadasy qalany aralaý kezinde Gornıakov, 26 mekenjaıy boıynsha ornalasqan úıdiń aýlasynda dıametri 530 mm jylý jelisiniń jarylǵanyn anyqtady. Osyǵan baılanysty 358 kóppáterli, 215 jeke úı jáne 7 nysan jylýdan ajyratyldy. Jóndeý jumystary jedel qarqynda júrgizildi. Saǵat 18:20-da jelini qalpyna keltirý jumysy aıaqtaldy. Qazir úılerge jylý berilip jatyr», - dep málim etti Qostanaı oblysy ákimdiginiń baspasóz qyzmetinen.
Eske salaıyq, keıingi kezderi jylý jelisinde jıilegen aqaýlarǵa baılanysty taıaýda Prezıdent atalǵan qalaǵa jumys saparymen bardy. Jaǵdaımen tanysqan Qasym-Jomart Toqaev Rýdnyıdaǵy jelilerdiń tozý deńgeıi óte joǵary ekenin atap ótip, oblys pen shahar ákimdigine jaǵdaıdy jedel qalpyna keltirý týraly tapsyrma berdi.
Sonymen birge 6 aqpanda jelilerdegi apattar men irkilistiń jıi oryn alýyna baılanysty Rýdnyı qalasynda tótenshe jaǵdaı rejımi engizildi.