Rýdnyıda 5 jasar balany qaqqan júrgizýshi 5 jylǵa sottalýy múmkin
QOSTANAI. QazAqparat - Qostanaı oblystyq ІІD baspasóz qyzmetiniń habarlaýynsha, 30 jastaǵy júrgizýshi Rýdnyıdaǵy ýaqytsha ustaý oqshaýlaǵyshyna alynǵan, dep habarlaıdy «QazAqparat» HAA tilshisi.
Oblystyq vedomstvonyń málimetine qaraǵanda, júrgizýshi polıtsııaǵa saǵatyna 50 km jyldamdyqpen qozǵalyp kele jatqanyn aıtqan.
«Qazir Qylmystyq kodekstiń 345-baby, 3-bóligine sáıkes sotqa deıingi tergeý amaldary júrgizilip jatyr. Atalǵan norma boıynsha, belgili bir laýazymdardy atqarý nemese belgili bir qyzmetpen aınalysý quqyǵynan bes jylǵa deıingi merzimge aıyra otyryp, bes jylǵa deıingi merzimge bas bostandyǵynan aıyrýǵa jazalanady», - deıdi ІІD-degiler.
Eske sala keteıik, keshe, 19 qyrkúıekte Rýdnyı qalasynda «Skoda» markaly kólik júrgizýshisi jaıaý júrginshiler ótetin jolaqta áıel men balany qaǵyp ketken. Áıeldiń nemeresi 5 jasar bala oqıǵa ornynda qaza tapqan. Dene jaraqattaryn alǵan áıel aýrýhanaǵa jetkizilgen.
