Rýdnyıda 5-qabattan qulaǵan eki jasar sábı mert boldy

RÝDNYI. QazAqparat - Qostanaı oblysynyń Rýdnyı qalasynda 2 jasar sábı terezeden qulap kóz jumdy, dep habarlaıdy QazAqparat.

Bul jaıynda málimet áleýmettik jelilerde tarady.

13 sáýir kúni keshkisin 2020 jyly týǵan bala Pavel Korchagın kóshesinde ornalasqan úıdiń 5-qabatynan qulap ketken.

Búldirshin alǵan jaraqatynan aýrýhanada qaıtys boldy.

Qutqarýshylardyń aıtýynsha, bala terezedegi moskıt toryna súıengen. Saldarynan ol shydamaı, bala tormen birge jerge qulaǵan.

Oqıǵanyń mán-jaıyn polıtseıler anyqtap, tekserip jatyr.

Rýdnyı qalasynyń tótenshe jaǵdaılar basqarmasy balalardy páterde qaraýsyz qaldyrmaı, saqtyq sharalaryn umytpaý kerektigin eske salady.