Rýdnyı turǵynynan sıntetıkalyq esirtkiniń úlken partııasy tárkilendi

ASTANA. QazAqparat - Jedel-izdestirý is-sharalaryn júrgizý kezinde 32 jastaǵy azamattan 12 túıinshek esirtki tabyldy, dep habarlaıdy polisia.kz.

Ári qaraı Rýdnyı qalasynyń saıabaq aımaǵynda ustalǵan adam jasaǵan «jasyryn oryndar» tabyldy. Kúdiktiniń turǵylyqty jerin tintý barysynda as úı shkafynan esirtki zaty salynǵan taǵy 70 paket tabylyp, tárkilendi.
Tabylǵan sıntetıkanyń jalpy salmaǵy 30 gr.
Qazir QR QK-niń 297-baby boıynsha «Esirtki quraldaryn, psıhotroptyq zattardy, olardyń analogtaryn ótkizý, jóneltý nemese ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý» boıynsha sotqa deıingi tergep-tekserý bastaldy.
Kúdikti ýaqytsha ustaý ızolıatoryna qamaldy.