Rýdnyı turǵynynan esirtki men oq-dáriler tabyldy
QOSTANAI. QazAqparat - Qostanaı oblystyq polıtseıleri «Kóknar-2017» operatsııasy barysynda asa iri kólemde esirtki tárkiledi, dep habarlaıdy «QazAqparat» HAA tilshisi.
Fedorov aýdany Qorjynkól kentinde Rýdnyı qalasynyń 48 jastaǵy turǵynynan salmaǵy tórt keli bolatyn marıhýana men 190 gramm gashısh tabyldy. Budan bólek, 54 dana oǵy bar eki qorap tárkilendi.
«Ary qaraı tergeý áreketteri barysynda osy kúdiktiniń Rýdnyı qalasyndaǵy garajynan salmaǵy 5 keli 290 gramm bolatyn marıhýana men 1 keli 200 gramm gashısh tabyldy», - dep habarlady oblystyq ІІD baspasóz qyzmeti.
Barlyq faktiler boıynsha QR QK «Ótkizý maqsatynda asa iri kólemde esirtki saqtaý» jáne «Oq-dárilerdi zańsyz saqtaý» baptary boıynsha sotqa deıingi tergeý jumystary bastaldy.
Kúdikti ýaqytsha ustaý oqshaýlaǵyshyna qamaldy.
