Rýdnyı trassasynda kólik apatynan 6 adam zardap shekti, bireýi qaza tapty
Jol apaty saǵat 14:30 shamasynda Qostanaı-Rýdnyı tarassasynyń 38 shaqyrymynda bolǵan. Onda 3 kólik apatqa ushyrady.
«Oqıǵanyń mán-jaıyn jedel tergeý toby anyqtap jatyr. Qazirgi tańda «Kia Sportage» kóliginiń 57 jastaǵy júrgizýshisi Qostanaıdan Rýdnyıǵa ketip bara jatyp, ózimen qatarlas kele jatqan jáne reseılik esepte turǵan 24 jastaǵy júrgizýshiniń basqarýyndaǵy «Vaz 2170» markili kóligine soqtyǵysqan. Osydan keıin «Kia Sportage» joldyń qarsy baǵytyna shyǵyp ketip, 51 jastaǵy azamat basqaryp kele jatqan «Vaz 2115» kóligine soǵylǵan»,-dep túsindirdi vedomstvo ókilderi.
Apat saldarynan 1 adam mert bolyp, 6 adam túrli dárejede jaraqat aldy. Polıtsııa osy oqıǵa boıynsha QR QK-niń 345 baby (Kólik júrgizip kele jatqan adamdardyń jol erejesin buzýy) negizinde sotqa deıini tergeý bastalǵanyn habarlady.
Osyǵan deıin Jangeldi aýdany aýmaǵynda bolǵan kólik apatynan Torǵaı aýylynyń 3 turǵyny qaza bolǵany aıtyldy.
