Rýdnyı telearnasynyń ǵımaratynan kúdikti qorap tabyldy
QOSTANAI. QazAqparat - Rýdnyı telearnasynyń ǵımaratynan kúdikti qorap tabyldy, dep habarlaıdy QazAqparat oblystyq ІІD baspasóz qyzmetine silteme jasap.
Oqıǵa búgin saǵat 14:30 shamasynda bolǵan.
«Polıtsııaǵa Rýdnyı qalasyndaǵy TVS ǵımaratynyń 4-qabatynda skotchpen oralǵan belgisiz qoraptyń tabylǵany jóninde habarlama kelip tústi. Oqıǵa ornyna polıtseıler men barlyq múddeli organdardyń qyzmetkerleri jumyldyryldy. Ǵımarattaǵy adamdar oqshaý aımaqqa kóshirildi. Nysan qorshaýǵa alyndy»,- delingen vedomstvo habarlamasynda.
Polıtsııa qyzmetkerleriniń jedel is-sharalary barysynda 28 jastaǵy kúdikti ustalǵan. Bul fakt boıynsha QR QK 273-babymen tergeý sharalary bastaldy.
