Rýdnyı kúre jolyndaǵy apattan úsh adam qaza tapty

QOSTANAI. QazAqparat - Qostanaı oblysynda, Rýdnyı - Qashar kúre jolynda eki avtomobıl soqtyǵysyp, úsh adam qaza tapty, taǵy eki adam jaraqat alǵan, dep habarlaıdy QazAqparat tilshisi Qostanaı oblystyq polıtsııa departamentiniń baspasóz qyzmetine silteme jasap.

«20 jeltoqsan kúni tańǵy 09:00 shamasynda Rýdnyı - Qashar avtojolynda «Aýdı» jáne «Deý Neksııa» avtomobılderi soqtyǵysqan. Apat saldarynan 3 adam qaza taýyp, eki adam túrli jaraqattarmen aýrýhanaǵa jetkizildi», - delingen habarlamada.

Áleýmettik jelide jan túrshigerlik jol apatynyń vıdeosy tarady.

Qazir oqıǵanyń egjeı-tegjeıi tekserilip jatyr.

Avtor:

Janna Musabaeva