Rýdnyı qalasynyń tóńireginde jol boıyndaǵy dámhanadan órt shyqty
QOSTANAI. QazAqparat - Rýdnyı qalasynan segiz shaqyrym qashyqtyqta dámhanadan órt shyqty, dep habarlaıdy QazAqparat tilshisi Qostanaı oblystyq TJD baspasóz qyzmetine silteme jasap.
«Búgin 12:40-ta «Qostanaı-Rýdnyı» tasjolynyń 34 shaqyrymynda jeke turǵan eki qabatty «Doner-Kebab» dámhanasynyń 200 sharshy metrlik shatyry janyp ketti. Órt 13:52-de aýyzdyqtalyp, 14:05-te sóndirildi. Evakýatsııa júrgizilmedi, eshkim zardap shekken joq», - dep habarlady TJD-dan.
Vedomstvoda órttiń shyǵý sebebi men materıaldyq zalaldyń naqty somasyn ázirge habarlaǵan joq.
