Rýdnyı qalasynda túrmeden qashqan eki qylmysker ustaldy

RÝDNYI. QazAqparat – Rýdnyı qalasy polıtsııa basqarmasynyń krımınaldyq polıtsııa qyzmetkerleri 161/11 qonys-kolonııasynan qashqan eki qylmyskerdi ustady, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.

Osy jyldyń 16 qańtarynda keshki saǵat 21:00 shamasynda kolonııanyń kezekshi qyzmetkeri túzeý mekemesiniń aýmaǵynda sottalǵan eki turǵynnyń joq ekenin anyqtaǵan.

1986 jáne 1996 jyly týǵan eki er adam kolonııanyń terezesin syndyryp, qashyp ketken.

«Mekeme basshylyǵy dabyl kóterip, jeke quram baǵdarlandy. Eki sottalýshy Rýdnyı qalasynda turǵan, sondyqtan Rýdnyı qalasy polıtsııa basqarmasynyń qyzmetkerleri kúsheıtilgen qyzmet atqarý rejımine aýystyryldy. Jedel izdestirý is-sharalary kezinde qaladaǵy jaldamaly páterler, qylmyskerlerdiń dostary men týystary tekserildi. Sol kúni tártip saqshylary sottalǵandardy ustady» delingen vedomstvo habarlamasynda.

Qazirgi ýaqytta is sotqa berildi, al sottalǵandardyń ózderi Qostanaı qalasynyń tergeý ızolıatoryna qamaldy.