Rýdnyı qalasynda mektep-lıtseı karantınge jabyldy
QOSTANAI.QazAqparat – Rýdnyı qalasy №4 mektep-lıtseıiniń oqýshylary men pedagogter quramy úı karantınine alyndy, dep habarlaıdy QazAqparat.
Aqparatty Oblystyq taýarlar men qyzmetterdiń sapasy men qaýipsizdigin baqylaý departamentiniń baspasóz qyzmeti rastady. Bilim berý mekemesiniń bir qyzmetkerinen koronavırýs anyqtalǵan. Osyǵan baılanysty oqýshylar men muǵalimder 16-23 qazan aralyǵynda úı karantınine jiberildi.
«Qazirgi ýaqytta oqýshylar men pedagogter arasynda aýrý deregi tirkelgen joq. Aýrýdyń aldyn alý maqsatynda balalar men qyzmetkerler úı karantınine jiberildi», - delingen vedomstvo habarlamasynda.
