Rýdnyı qalasynda qubyr jarylyp, 83 úı jylýsyz qaldy

QOSTANAI. QazAqparat – Qostanaı oblysynyń Rýdnyı qalasynda qubyr jarylyp, 24 kópqabatty jáne 59 jer úı jylýsyz qaldy. Bul týraly Qostanaı oblysy ákimdiginiń baspasóz qyzmetinen málim etti, dep habarlaıdy QazAqparat tilshisi.

«19 qańtar kúni saǵat 10:30-da Gornıakov kóshesi boıynda jylý qubyrynyń dıametri 530 mm bolatyn bóligi jaryldy. Osyǵan baılanysty 24 kópqabatty turǵyn úı, 59 jeke úı jáne 16 zańdy tulǵa jylýdan ajyratyldy. Qubyrdyń jarylǵan ýchaskesin anyqtaý qajet. Oqıǵa ornynda «Rýdnyı jylý jelileriniń» apattyq brıgadasy jumys istep jatyr. Múmkindiginshe qysqa merzimde jylý berý tolyq qalpyna keltiriledi», - dep málim etti Qostanaı oblysy ákimdiginiń baspasóz qyzmetinen.

Eske sala keteıik, taıaýda Qostanaı qalasyndaǵy Táýelsizdik kóshesi boıynda tozǵan qubyr jarylyp, 4 kópqabatty turǵyn úı men Halyqqa qyzmet kórsetý ortalyǵy sýsyz qalǵan edi.