Rýdnyı qalasynda Іshki ister basqarmasynyń aǵa ınspektory para alý ústinde áshkerelendi
QOSTANAI. QazAqparat - Qostanaı oblysynyń Qarjy polıtsııasy departamentiniń qyzmetkerleri Rýdnyı qalasynyń ІІB ákimshilik polıtsııa bóliminiń memlekettik aǵa avtoınspektoryn para alý kezinde ustady. Bul týraly qarjy polıtsııasynyń baspasóz qyzmetinen habarlady.
Atap aıtqanda, kúdikti er adamnan 100 myń teńge kóleminde zańsyz syıaqy talap etken. Osy soma úshin kólik ınspektory zań buzýshyny jol-kólik oqıǵasyna jol bergeni úshin ákimshilik jaýapkershilikten bosatýǵa kómektespek bolǵan.
Qylmys atalmysh qyzmetkerdiń jumys ornynda qarajatty alýy kezinde ashyldy. Ustalǵannan keıin ol óziniń kinásin tolyǵymen moıyndap, tergeý sharalaryn júrgizýge kómektesti.
Qazirgi ýaqytta QR QK 311-baptyń 2-tarmaǵy boıynsha qylmystyq is qozǵaldy jáne ol sotqa deıingi tártipte aıaqtaldy.
Іs odan ary sotqa baǵyttaý úshin prokýratýraǵa tapsyryldy.
