Rýdnyı qalasy ákiminiń orynbasary eki aıǵa tutqyndaldy
QOSTANAI. QazAqparat - Rýdnyı qalalyq soty budan buryn para alý barysynda ustalǵan Rýdnyı qalasy ákiminiń orynbasary Maqsut Dospolovqa qatysty 2 aıǵa «qamaýǵa alý» túrindegi bultartpaý sharasyn sanktsııalady. Bul týraly «QazAqparat» HAA tilshisine Qostanaı oblystyq sotynyń baspasóz hatshysy Indıra Qusaıynova habarlady.
«Ol eki aıǵa qamaldy. Osy ýaqyt ishinde tergeý jumystary júrgiziledi. Ony qamaýda ustaý merzimi uzartylýy múmkin», - dep túsindirdi Qusaıynova.
Aıta keteıik, Dospolov «Para alý» baby boıynsha qylmys jasady degen kúdikke ilindi. 12 mamyr kúni saǵat 19.00-de Qostanaı oblystyq jemqorlyqqa qarsy kúres jónindegi ulttyq bıýro departamenti Rýdnyı qalasy ákiminiń orynbasaryn 15 mln teńge kóleminde para alý kezinde ustady. Ol parany «Órken» JShS merdiger uıymyna jalpy jaqtaýshylyq jasaý maqsatynda alǵan.
Sol 12 mamyr kúni M.Dospolov pen Ý.Músirálıev Rýdnyı qalalyq ІІB ýaqytsha qamaý oqshaýlaǵyshyna qamaldy. Sotqa deıingi tergeý jumystary júrgizilip jatyr.
