Rýdnyı qalasy ákiminiń burynǵy orynbasary 8 jylǵa sottaldy
QOSTANAI. QazAqparat - Rýdnyı qalalyq sotynda para alý kezinde ustalǵan Rýdnyı qalasy ákiminiń burynǵy orynbasary Maqsut Dospolovqa qatysty úkim shyqty, dep habarlaıdy QazAqparat tilshisi sot zalynan. Úkimdi sýdıa Mádına Bektileeva oqydy.
Sot úkimimen Maqsut Dospolov QR QK 366-baby, 3-tarmaǵy boıynsha aıypty dep tanyldy. Ol 8 jylǵa bas bostandyǵynan aıyryldy. Onyń zańsyz jolmen tapqan bar múlki tárkilendi.
Dospolov qaýipsizdigi ortasha túzetý mekemesinde jazasyn óteıdi. Ol sot zalynda qamaýǵa alyndy. Burynǵy sheneýnikpen birge «Órken» JShS merdiger uıymynyń dırektory Ý.Músirálıev te 8 jylǵa sottaldy.
Aıta keteıik, Dospolov «Para alý» baby boıynsha qylmys jasady degen kúdikke ilindi. Ústimizdegi jyldyń 12 mamyry kúni saǵat 19.00-de Qostanaı oblystyq jemqorlyqqa qarsy kúres jónindegi ulttyq bıýro departamenti Rýdnyı qalasy ákiminiń orynbasaryn 15 mln teńge kóleminde para alyp jatqan kezinde ustady. Parany «Órken» JShS merdiger uıymyna jaqtaýshylyq jasaý maqsatynda alǵany anyqtaldy. 
