Rýdnyı: Ákimshilik polıtsııa bóliminiń eks-basshysy orynbasarymen birge isti boldy
QOSTANAI. QazAqparat - Rýdnyı ishki ister basqarmasy ákimshilik polıtsııasy tirkeý-emtıhan bóliminiń burynǵy bastyǵy jáne onyń orynbasary birneshe ret para alǵany úshin sottalady, dep habarlaıdy QazAqparat tilshisi Qostanaı oblystyq sotyna silteme jasap.
Rýdnyı ІІB Ákimshilik polıtsııasy tirkeý-emtıhan bóliminiń burynǵy bastyǵy, 1973 jyly týǵan P. jáne onyń orynbasary, 1982 jyly týǵan Sh.-nyń isi qazir Rýdnyı qalalyq sotynda qaralyp jatyr.
«Olar 2017 jylǵy jeltoqsannan 2018 jylǵy qańtarǵa deıin mansabyn paıdalana otyryp, jeke jáne zańdy tulǵalardan kólik quraldaryn tirkeý jáne emtıhansyz júrgizýshi kýáligin berý úshin para retinde birneshe ret aqsha alyp kelgen», - deıdi oblystyq sot ókilderi.
Osy is boıynsha basty sot otyrysy 9 sáýirge belgilengen.
