Rýdnyı ákiminiń orynbasaryna para bergen kásipker qamaýǵa alyndy
QOSTANAI. QazAqparat - Rýdnyı qalalyq soty para bergeni úshin «Órken» JShS dırektory Ómirhan Músirálıevke qatysty qamaýda ustaý túrindegi bultartpaý sharasyn sanktsııalady, dep habarlaıdy «QazAqparat» HAA tilshisi.
Kásipker 12 mamyrda Rýdnyı qalasy ákiminiń orynbasary M. Dosbolovqa 15 mln teńge somasynda para berý kezinde ustaldy.
«Qomaqty para Rýdnyı ákimdiginiń «Temir-ken TEK» MQK dırektorymen «Kárizdik tazalaý qurylǵylarynan Rýdnyı qalasyndaǵy Vasılevkıı býlandyrǵysh qondyrǵysyna deıin bıologııalyq tazalanǵan sýdy tasymaldaý» obektisi boıynsha oryndalǵan jumysty esh kedergisiz qabyldaý, sondaı-aq «Órken» JShS-niń esepshotyna aqsha qarajatyn ýaqtyly aýdarý úshin berilgen», - dedi oblystyq sottyń baspasóz qyzmeti.
Eske sala keteıik, Rýdnyı ákiminiń orynbasary M. Dosbolov para alǵany úshin eki aıǵa tutqyndalǵany belgili.
