Rýdnyıdaǵy kásiporynda jumysshy qaza tapty

QOSTANAI. KAZINFORM – Qaıǵyly oqıǵa «Sokolov-Sarybaı taý-ken baıytý óndiristik birlestigi» AQ kendi daıyndaý jáne baıytý tsehynda boldy. Jóndeý jumystary kezinde er adam aýyr dene jaraqatyn aldy, dep habarlaıdy Kazinform tilshisi.

Zaýyttyń baspasóz qyzmeti aqparatty resmı túrde rastady.

– Vagonaýdarǵyshty jóndeý kezinde jóndeýshi slesar óte aýyr jaraqat aldy. «SSTKBB» AQ ujymy men basshylyǵy marqumnyń otbasyna qaıǵylaryna ortaqtasyp kóńil aıtady. Olarǵa qajetti kómek kórsetiledi. Oqıǵaǵa qatysty tergeý amaldary júrip jatyr, - delingen habarlamada.

Buǵan deıin Aqtaýda MAEK kásipornynda jumysshy qaza tapqanyn jazǵan bolatynbyz.