Rýdnyıda jasóspirim Tobyl ózenine batyp ketti
RÝDNYI. KAZINFORM – 17 jastaǵy jasóspirimniń denesin qutqarýshylar Tobyl ózeninen alyp shyqty, dep habarlaıdy Kazinform tilshisi.
Qaıǵyly oqıǵa ótken demalysta bolǵan. Rýdnyı qalasyndaǵy oıyn-saýyq saıabaǵynyń aýmaǵynda, ıaǵnı Tobyl ózeniniń eski arnasynda ruqsat etilmegen jerde sýǵa túsken 2008 jylǵy jasóspirim sýǵa batyp ketken. Oqıǵa ornyna Tótenshe jaǵdaılar departamentiniń qutqarýshylary jedel jetti.
– Іzdestirý kezinde balanyń máıiti jaǵalaýdan 90 metr qashyqtyqta 3,5 metr tereńdikten tabyldy. Qutqarýshylar marqumdy sýdan shyǵaryp, polıtsııa qyzmetkerlerine tapsyrdy, - delingen Qostanaı oblysy Tótenshe jaǵdaılar departamentiniń habarlamasynda.
Atalǵan oqıǵa boıynsha sot-medıtsınalyq saraptama taǵaıyndaldy.
Qostanaı oblysynyń Tótenshe jaǵdaılar departamenti marqumnyń otbasyna qaıǵylaryna ortaqtasyp kóńil aıtady.
Vedomstvo azamattardy taǵy da sý mańynda demalý kezinde qaýipsizdik sharalaryn saqtaýǵa shaqyrady.
Buǵan deıin Qostanaı oblysynda 10 jastaǵy bala sýǵa batyp ketkenin habarlaǵan bolatynbyz.
