Rýdnyıda polıtseıler turǵynnan 8 kelige jýyq gashısh tárkiledi
QOSTANAI. KAZINFORM — Qostanaı oblysy PD uıymdasqan qylmysqa qarsy kúres basqarmasynyń qyzmetkerleri esirtki zattaryn saqtady degen kúdikpen er adamdy ustady.
Polisia.kz-tiń málimetinshe júrgizilgen jedel-izdestirý is-sharalarynyń nátıjesinde onyń Rýdnyıǵa esirtki zattaryn jetkizý arnasyn uıymdastyrǵany jáne olardy esirtki tutynýshylarǵa az mólsherde ótkizýmen aınalysqany anyqtaldy.
Tintý barysynda ustalǵan adamnyń úıinen jasyl tústi zaty bar 124 qaǵaz oramy, jasyl tústi zaty bar 4 polıetılen paketi jáne elektrondyq tarazy tárkilendi.
Saraptama kórsetkendeı, tárkilengen zat - 8 kelige jýyq gashısh.
Kúdiktige qatysty bultartpaý sharasy taǵaıyndaldy. Esirtki zattaryn saqtaý faktisi boıynsha polıtseıler sotqa deıingi tergep-tekserýdi bastady. Qylmystyń barlyq mán-jaıyn anyqtaý úshin sharalar qabyldanyp jatyr.
Aıta ketelik UQK Aqmola oblysynda esirtki arnasynyń jolyn kesken edi.