Rýdnyıda plastık qaldyqtarǵa ekinshi ómir syılaǵan ekologııalyq sheberlik sabaǵy ótti
RÝDNYI. KAZINFORM — «Taza Qazaqstan» ekologııalyq aktsııasy aıasynda Rýdnyı qalasynyń eriktileri jastar arasynda ekologııalyq oılaýdy damytýǵa jáne sanaly tutyný qaǵıdattaryn nasıhattaýǵa baǵyttalǵan «Zattarǵa ekinshi ómir» atty sheberlik sabaǵyn ótkizdi.
«Rýdnenskıı dobrıak» qalalyq shtabynyń eriktileri qorshaǵan ortaǵa uqypty qaraýdy qalyptastyrý jáne praktıkalyq daǵdylardy damytý maqsatynda plastıkalyq bótelkelerden kashpo jasaý boıynsha ekologııalyq sheberlik sabaǵyn uıymdastyrdy. Sheberlik sabaǵyna belsendi uzaq ómir súrý klýbynyń músheleri men mektep oqýshylary qatysty. Іs-shara 30 adamdy qamtydy.
Іs-shara barysynda qatysýshylar qaıta óńdeletin materıaldardan erekshe ári fýnktsıonaldy kashpo jasaýdy úırendi. Uıymdastyrýshylardyń jetekshiligimen plastıkalyq bótelkeler ınterer men syrtqy keńistikterdi kógaldandyrýǵa paıdalanýǵa bolatyn sándi buıymdarǵa aınaldy.
Praktıkalyq bólimge erekshe nazar aýdaryldy: kashpo daıyndalǵannan keıin qatysýshylar olarǵa ósimdik kóshetterin otyrǵyzdy. Bul olardyń alǵan bilimderin bekitip qana qoımaı, kógaldandyrýǵa jáne qolaıly ekologııalyq orta qalyptastyrýǵa óz úlesterin qosýǵa múmkindik berdi.
— Bizdiń maqsatymyz — qarapaıym zattardyń da ekinshi ómirge ıe bola alatynyn kórsetý. Osyndaı sheberlik sabaqtary arqyly biz ekologııalyq mádenıetti qalyptastyryp, ártúrli býyn ókilderin qorshaǵan ortany qorǵaýǵa tartamyz, — dedi «Rýdnenskıı dobrıak» eriktiler shtabynyń jetekshisi Mın Veronıka.
Іs-shara dostyq ári shyǵarmashylyq atmosferada ótip, ekologııalyq bastamalar men turaqty damýǵa qyzyǵýshylyq tanytqan jastardy biriktirdi. Qatysýshylar sheberlik sabaǵynyń praktıkalyq mańyzyn atap ótip, alǵan bilimderin kúndelikti ómirde qoldanýǵa daıyn ekenderin bildirdi.
