Rýdnyıda kólik qaǵyp ketken bala kóz jumdy
ASTANA. KAZINFORM — Qostanaı oblysynda kámeletke tolmaǵan balanyń ólimine ákep soqqan jol apatyna qatysty sotqa deıingi tergeý bastaldy.
Aldyn ala boljam boıynsha «Gazel» avtokóliginiń júrgizýshisi turǵyn úıdiń aýlasynda artqa qaraı júrip bara jatyp, balany qaǵyp ketken. Kámeletke tolmaǵan bala alǵan jaraqattarynan kóz jumdy.
Qazirgi ýaqytta oqıǵanyń barlyq mán-jaıy men sebepterin anyqtaý úshin qajetti tergeý áreketteri júrgizilip jatyr.
Polıtsııa júrgizýshilerdi aýlalar men turǵyn úı aýmaqtarynda kólik júrgizgende, ásirese keri baǵytta júrgende asa saq bolýǵa shaqyrady. Balalardyń qaýipsizdigi jaýapkershilikti arttyrýdy jáne jol qozǵalysy erejelerin qatań saqtaýdy talap etedi.
Osyǵan deıin Astana qalasyndaǵy iri jol apatyna qatysty tergeý aıaqtalýǵa jaqyn ekeni belgili boldy.