Rýdnyıda káriz qudyǵynan máıit tabyldy

QOSTANAI. KAZINFORM – Rýdnyı qalasynda káriz qudyǵynan kúıip qalǵan er adamnyń denesi tabyldy. Marqumnyń kim ekeni áli anyqtalmaı jatyr.

Qostanaı oblystyq polıtsııa departamenti baspasóz qyzmetiniń málimetine súıensek, máıit Rýdnyıdaǵy káriz qudyǵynan tabylǵan. Bul káriz qudyǵynda qoqys janǵany belgili boldy.

Qazirgi ýaqytta marqumnyń kim ekendigi belgisiz. Sol úshin polıtseıler tıisti jumystardy júrgizip jatyr.

- Tártip saqshylary máıittiń tabylýy faktisi boıynsha sotqa deıingi tergeý amaldaryn bastady. Sot-medıtsınalyq saraptamalar taǵaıyndalyp, qajetti sharalar júrgizilýde. Barlyq mán-jaı anyqtalyp jatyr, - delingen aqparatta.

Eske salsaq, osyǵan deıin Rýdnyıda Tobyl – Torǵaı basseındik ınspektsııasynyń basshysy para alǵany úshin 33,3 mln teńge aıyppul tóleıtindigi habarlanǵan.