Rýdnyıda ınternet sapasy nashar bolǵany úshin baılanys operatorlary aıyppul tóledi

RÝDNYI. KAZINFORM - Rýdnyı qalasynyń prokýratýrasy óńiraralyq baılanys ınspektsııasymen birlesip qala kóshelerinde 3G/4G tehnologııasynda ınternet sapasynyń jáne derekterdi júkteý jyldamdyǵynyń buzylǵanyn anyqtady.

Prokýrorlyq qadaǵalaý aktisi boıynsha baılanys operatorlaryna jalpy somasy 10 mln  teńgeden astam ákimshilik aıyppul salyndy.

Sondaı-aq olardyń atyna kemshilikti joıý týraly nusqama engizildi.

Ony oryndaý qorytyndysy boıynsha mobıldi operatorlar qalada baılanys sapasyn jaqsartý úshin qosymsha antennalar men qurylǵylar ornatty, osylaısha 103 myń uıaly baılanys abonentiniń quqyǵy qorǵaldy.