Rýdnyıda 700-den astam tutynýshy gazsyz qaldy

Apat gaz taratý qubyrynda muz keptelýinen bolǵan. Qazirgi ýaqytta qalpyna keltirý jumystary aıaqtaldy, dep habarlaıdy Kazinform.

Rýdnyıda 11 jer úı men kópqabatty turǵyn úılerdegi 720 páter gazsyz qalǵan. «QazTransGaz Aımaq» AQ Qostanaı óndiristik fılıaly baspasóz qyzmetiniń habarlaýynsha, apat saldary saǵat 18:00-de joıylyp, barlyq tutynýshy qaıta gazǵa qosyldy.

- Apat shyǵýyna gaz taratý qubyrynda muz keptelýi sebep bolǵan. Nysan Rýdnyı qalasy ákimdigi qurylys bóliminiń teńgeriminde. Qalpyna keltirý jumystaryn merdiger uıym men jergilikti atqarýshy organdardyń 12 adamy júrgizdi, - delingen aqparatta.

Sondaı-aq vedomstvo ókilderi nysannyń «QazTransGaz Aımaq» AQ Qostanaı óndiristik fılıalynyń balansynda emestigin málim etti.