Rýdnyıda 19 jastaǵy jigit qaza tapty, kúdiktiler izdestirilip jatyr
QOSTANAI. KAZINFORM — Qostanaı oblysynda Rýdnyı qalasynyń 19 jastaǵy turǵynyn óltirdi degen kúdik boıynsha eki adam izdestirilip jatyr, dep habarlaıdy Kazinform agenttiginiń tilshisi.
Qostanaı oblysy polıtsııasy Rýdnyı qalasynyń eki turǵynyn kisi óltirýge qatasy bar degen degen kúdik boıynsha izdep jatyr.
Quqyq qorǵaý organdarynyń málimetinshe, 23 qańtar kúni kópqabatty turǵyn úıdiń bir kireberisinen pyshaq jaraqattary bar 19 jastaǵy Rýdnyı turǵyny tabylǵan. Alǵan jaraqattarynyń saldarynan jas jigit oqıǵa ornynda kóz jumǵan.
Atalǵan derek boıynsha Qazaqstan Respýblıkasy Qylmystyq kodeksiniń 99-baby («Adam óltirý») boıynsha qylmystyq is qozǵaldy. Jedel-izdestirý sharalary barysynda polıtseıler kúdiktilerdiń jeke basyn anyqtaǵan. Qazirgi ýaqytta olardy ustaý boıynsha sharalar qabyldanyp jatyr, polıtsııanyń jeke quramy Qazaqstan aýmaǵy boıynsha baǵdarlanǵan.
Aldyn ala málimetterge sáıkes, qaza tapqan azamat pen kúdiktiler bir-birin tanyǵan. Qylmystyń sebepteri men mán-jaılary tergeý barysynda anyqtalady. Qajetti tergeý-jedel is-sharalar kesheni júrgizilip jatyr.
Buǵan deıin Shymkentte jol ortasynda tóbelesip, kisi óltirgen kúdiktiler ustalǵan edi.