Rýdnyı qalasynda dámhanadan órt shyqty

ASTANA. KAZINFORM — Qostanaı oblysy Rýdnyı qalasynda Lenın kóshesinde ornalasqan dámhananyń shatyry órtendi, dep habarlaıdy TJM.

Búgin Rýdnyı qalasynda Lenın kóshesindegi bir qabatty jeke ǵımaratta ornalasqan dámhanalardyń birinde órt shyqty. Aldyn ala aqparat boıynsha, dámhananyń shatyry jana bastaǵan.

— Órt týraly habarlama shuǵyl qyzmetterge túsip, sodan keıin oqıǵa ornyna jedel órt sóndirý jasaqtary jiberildi. Qutqarýshylardyń jedel áreket etýiniń arqasynda órttiń taralýyna jol berilmedi. Zardap shekkender týraly aqparat 112-ge túsken joq. Qazirgi ýaqytta órt oqshaýlandy, — delingen habarlamada.

Osyǵan deıin keshe Almatyda qoıma órtengenin jazǵan edik.