Rýbldiń qunsyzdanýynan aldymen avıatsııa, týrızm jáne qurylys salalary zardap shegedi
ASTANA. QazAqparat - Rýbldiń qunsyzdanýy ımportqa negizdelgen kompanııalardyń kirisine keri áser etip, valıýtalyq kidirister ákeldi, dep habarlady RBK.
Bárinen de azyq-túlik óndirýshiler ońaı jolyn tabýda, olar Reseıde tapsyrys jetkizýshilerdi izdep, Reseı taýarlaryn «ekonom-klass» retinde tańbalaýda.
Áýe kompanııalary, týroperatorlar jáne kólik satýshylar ázirge daǵdarystyń olardyń baǵalaryna qalaı áser etetinin esepteýde. Al valıýtalyq mindettemeleri joq qurylysshylar jumysty toqtatýǵa daıyn: arzan qarjydan aıyrylǵan bankter nesıeler boıynsha paıyzdardy kóterip, jeke qaryzgerler úshin ıpoteka boıynsha tólemderdi kóterýde. Balyq óndirýshiler rýbl baǵamynyń tómendeýine jáne álemdik naryqta Norvegııa balyǵyna degen baǵanyń sharyqtaýyna baılanysty shetelden shıkizat satyp alýdy toqtatty, dep naqtylady balyq naryǵynyń óndiristik jáne saýda kásiporyndary qaýymdastyǵynyń prezıdenti, «Soltústik kompanııa»-nyń bas dırektory Vıtalıı Kornev.
Onyń sózinshe, kompanııalar Mýrmansk jáne Karel qyzyl balyǵyna kóshti jáne birneshe aptadan beri vakýým oramalardaǵy az tuzdalǵan balyq eti men muzdatylǵan shıkizat qoryn jasap jatyr. Ol qalyptasqan jaǵdaı kompanııalardyń buryn mán bermeı kelgen shıkizatty, máselen, usaq balyqty qaıta óńdeýge kirisetinine senimdi. «Rýsagro»-nyń bas dırektory Maksım Basov holdıngtiń daıyn ónim retinde barlyq baǵyttar boıynsha (shoshqa eti, qant) qorlar jasap jatqanyn habarlady. Sonymen birge óndiris úshin qajetti ónimderdiń de qorlary jasalýda - bul qazirgi jaǵdaıda aqshany saqtaýdyń eń tıimdi tásili, deıdi ol.
