Rýbldiń baǵamy 5-6 teńgeden aspaýy kerek - depýtat

NUR-SULTAN. QazAqparat – Májilis depýtaty Amanjan Jamalov teńge men Reseı rýbliniń arasyndaǵy baǵamǵa qatysty másele kóterdi, dep habarlaıdy QazAqparat tilshisi.

«Qazaqstanǵa keletin ımporttyń negizgi kózi Reseı bolyp tur. Onyń úlesi 50-60%-ǵa jetken. ıAǵnı, ınflıatsııaǵa rýbldiń teńgege qatysty baǵamy tikeleı áser etýde. Jyl basynan beri rýbl teńgege qatysty 40% nyǵaıdy. Rýbldiń teńgege qatysty baǵamy Reseı valıýtasynyń dollarǵa qatysty kross-baǵamy arqyly qalyptasyp jatqanyn aıtý kerek. Biraq bul faktige Ulttyq bank kóz juma qarap otyr. Memleket basshysy Ulttyq bank ıkemdi ári jol tapqysh bolý kerektigin aıtty. Sondyqtan jýyqta Premer-Mınıstr Álıhan Smaıylovtyń rýblmen teńge arasynda tikeleı baǵam qalyptastyrý týraly usynysyn qoldaımyn. Tarıhı jáne ekonomıkalyq teńgerimdi eskersek, rýbldiń teńgege qatysty baǵamy 5-6 teńgeden aspaýy kerek», - dedi depýtat.

Sondaı-aq ol bazalyq mólsherlemeniń 14,5% bolýy týraly paıymyn aıtty.

«Mundaı mólsherlememen eshbir esi durys bıznes qyzmet kórsete almaıdy. Ulttyq bank ınflıatsııa siltep otyr. Ol qazir 16,1%-ǵa jetti», - dedi Amanjan Jamalov.