Rýbldiń aınalymda kóptigi ınflıatsııaǵa qalaı áser etedi – mınıstr jaýaby

ASTANA. QazAqparat – QR Ulttyq ekonomıka mınıstri Álibek Qýantyrov reseılikterdiń elimizge kóptep kelýinen aınalymǵa túsken rýbldiń ınflıatsııaǵa qalaı áser etip jatqanyn aıtyp berdi, dep habarlaıdy QazAqparat tilshisi.

«Árıne, teńgemen naqty bir baılanysy bar. Óıtkeni, biz de Reseıden taýar ımporttaımyz. Reseımen, ózge de shekaralas eldermen tyǵyz jumys isteımiz. Sondyqtan bul ózara aqsha aınalymy sanalady. Ol teńgege qysym da keltiredi, sonymen qatar ony nyǵaıtady da», - dedi mınıstr Úkimet otyrysynan keıin BAQ ókilderiniń saýalyna oraı.

Mınıstr teńge baǵamyna belgili bir deńgeıde ınflıatsııa barysy da áser etetindigin atap ótti.

«Ulttyq bank osy baǵytta jumys istep jatqanyna senimdimin», - dedi Álibek Qýantyrov.