Rýbıo: USAID sheteldik kómek baǵdarlamalaryn iske asyrýdy toqtatty

ASTANA. KAZINFORM –  AQSh-tyń Halyqaralyq damý jónindegi agenttigi (USAID) Vashıngton múddesine saı keletin sheteldik kómek baǵdarlamalaryn toqtatady, dep habarlaıdy TASS.

Bul týraly AQSh memlekettik hatshysy Marko Rýbıonyń jazbasha málimdemesinde aıtyldy. Málimdemege sáıkes, atalǵan baǵdarlamalardyń bir bóligi endi Memlekettik departament quzyretine ótedi. 

AQSh-tyń Halyqaralyq damý jónindegi agenttigi (USAID) 1 shildeden bastap resmı túrde sheteldik kómek kórsetýdi toqtatady. Bul týraly AQSh memlekettik hatshysy Marko Rýbıo málimdedi.

— Ákimshilik baǵytyna sáıkes keletin jáne amerıkalyq múddelerdi ilgeriletetin baǵdarlamalar Memlekettik departamenttiń quzyretine ótedi. Olar budan bylaı tıimdirek jáne júıeli túrde júzege asyrylady, — dedi Rýbıo.

Onyń aıtýynsha, Vashıngton Amerıka Qurama Shtattarynyń gýmanıtarlyq kómek pen ekonomıkalyq damý salasyndaǵy dástúrli mindettemeleri syrtqy saıasatta «aldymen Amerıka» qaǵıdasyna saı kelýi tıis dep esepteıdi.

— Salyq tóleýshilerdiń qarjysy alys elderdegi sátsizdikke ushyraǵan úkimetterdi qarjylandyrýǵa jumsalmaýy kerek. Bolashaqta bizdiń kómegimiz nysanaly ári ýaqytpen shektelgen bolady, — dedi memlekettik hatshy.

Sondaı-aq, Rýbıo USAID agenttiginiń postkeńestik kezeńnen beri salyq tóleýshiler qarajatyna súıengen úlken bıýdjetke ıe bola otyryp, naqty nátıjelerge qol jetkize almaǵanyn aıtty.

— Damý maqsattary sırek oryndaldy, turaqsyzdyq jıi kúsheıip otyrdy, al antıamerıkalyq kóńil-kúı arta tústi. AQSh-tan eleýli kómek alyp otyrǵan elder kóp jaǵdaıda buǵan jaýap qatpaıdy, — dedi ol.

Aıta ketelik Rýbıo sheteldegi barlyq USAID qyzmetkerleri jumystan shyqsyn dep buıyrǵan edi.