Rýbıo sheteldegi barlyq USAID qyzmetkerleri jumystan shyqsyn dep buıyrdy

ASTANA.KAZINFORM — AQSh-tyń memlekettik hatshysy Marko Rýbıo AQSh-tyń dúnıe júzindegi elshilikterine AQSh halyqaralyq damý agenttiginiń (USAID) qalǵan barlyq qyzmetkerlerin jumystan shyǵarý sharalaryn qabyldaýdy tapsyrdy, dep habarlaıdy ABC News.

Rýbıo elshilikterge 30 qyrkúıekke deıin «USAID-tyń barlyq sheteldegi pozıtsııalaryn joıý» josparyn oryndaýdy buıyrady.

Memlekettik departament USAID-tyń syrtqy kómek kórsetý baǵdarlamalaryn óz moınyna alady.

Federaldy sýdıa prezıdent Donald Tramptyń birneshe federaldy agenttikterde, sonyń ishinde Memlekettik departamentte jappaı jumystan bosatý týraly buıryǵyna ýaqytsha tosqaýyl qoıdy, al talapkerler Rýbıonyń qaıta uıymdastyrý jospary buıryqty buzatyn sııaqty dep sanaıdy.

Shetelde qalǵan USAID qyzmetkerleriniń barlyǵyn jumystan shyǵarý Tramp ákimshiligi men Úkimettiń tıimdiligi jónindegi departamentiniń (DOGE) AQSh agenttigin joıý jáne onyń 10 000-nan astam qyzmetkerleri men merdigerlerin jumystan shyǵarýǵa baǵyttalǵan sońǵy qadamy.

Buǵan deıin Qazaqstanda 6 jyl ishinde toǵyz ÚEU USAID qarjysyn alǵany habarlanǵan bolatyn.