Rýbıo men Lavrov Tramp-Pýtın kelissózin talqylady

ASTANA. KAZINFORM — AQSh pen Reseı syrtqy saıası vedomstvolarynyń basshylary Marko Rýbıo men Sergeı Lavrov prezıdentter Donald Tramp pen Vladımır Pýtınniń telefon arqyly kelissózin talqylaǵany belgili boldy, dep habarlaıdy DW aqparat agenttigi.

AQSh memlekettik hatshysy Marko Rýbıo men Reseı syrtqy ister mınıstri Sergeı Lavrov telefon arqyly sóılesip, prezıdentter Donald Tramp pen Vladımır Pýtınniń kelissózin talqylady. Bul týraly dúısenbi, 20 qazan kúni AQSh jáne Reseı syrtqy saıası vedomstvolary habarlady.

AQSh Memlekettik departamenti baıandaǵandaı, Rýbıo men Lavrovtyń Tramp pen Pýtın arasyndaǵy áńgimeden keıingi «kelesi qadamdardy» talqylady.

— Memlekettik hatshy aldaǵy kezdesýlerdiń mańyzdylyǵyn atap ótip, olardy Máskeý men Vashıngton úshin Reseı men Ýkraına arasyndaǵy qaqtyǵysty prezıdent Tramptyń kózqarasyna sáıkes uzaq merzimdi retteý jolynda yntymaqtastyq jasaý múmkindigi retinde baǵalady, — dep habarlady Memlekettik departament.

Reseı SІM bul áńgimeni memleket basshylarynyń kezdesýinde qol jetkizilgen «túsinistikterdi» iske asyrý úshin «múmkin naqty qadamdardy konstrýktıvti talqylaý» dep atady.

Pýtınmen sóıleskennen keıin Tramp Býdapeshtte kezdesý josparyn jarııalady.

Eske sala ketsek, 16 qazan kúni AQSh jáne Reseı prezıdentteri Donald Tramp pen Vladımır Pýtın telefon arqyly sóılesti. Áńgime eki saǵattan astam ýaqytqa sozyldy. Aq úı basshysy atap ótkendeı, sodan keıin ol Pýtınmen Býdapeshtte kezdesedi.