Rýbıo Lavrovpen telefon arqyly sóılesti

ASTANA. KAZINFORM — AQSh Memlekettik departamentiniń málimetinshe, Rýbıo men Lavrov áńgimelesý barysynda Saýd Arabııasynda ótken sońǵy kezdesýlerden keıingi aldaǵy qadamdardy talqylap, AQSh pen Reseı arasyndaǵy baılanysty qalpyna keltirý boıynsha jumysty jalǵastyrýǵa kelisken. Bul týraly Kazinform VVS-ge silteme jasap habarlaıdy. 

Sondaı-aq Vashıngton Máskeýge «Iran qoldaǵan hýsıtterge qarsy ustaý» operatsııasy týraly habarlady. 

Buǵan jaýap retinde Sergeı Lavrov «Barlyq taraptyń kúsh qoldanýyn dereý toqtatý qajettigin, olardyń saıası dıalogqa túsýiniń mańyzdylyǵyn» atap ótti». Bul týraly Reseı Syrtqy ister mınıstrliginiń resmı málimdemesinde habarlandy.

Sonymen qatar olar áńgimeniń amerıkalyq taraptyń bastamasymen ótkenin basa aıtty. 

Eske sala keteıik, buǵan deıin Tramptyń AQSh áskerine ıemendik kóterilisshi hýsıtterge qarsy áreketti bastaýdy tapsyrǵanyn habarlaǵan edik.