Rýbıo: Afrıkadaǵy AQSh dıpmıssııalaryn qysqartý týraly aqparat — jalǵan

ASTANA. KAZINFORM — AQSh Memlekettik hatshysy Marko Rýbıo The New York Times (NYT) gazetinde jarııalanǵan aqparatty joqqa shyǵardy, dep jazady TASS.

Onda AQSh ákimshiliginiń Memlekettik departamenttiń qyzmetin aıtarlyqtaı qysqartýǵa, sonyń ishinde Afrıkadaǵy birqatar dıplomatııalyq ókildikti jabýǵa baǵyttalǵan boljamdy josparlary jarııalanǵan.

Málimdeme dıplomattyń X áleýmettik jelisindegi jeke paraqshasynda jarııalanǵan.

— Bul jalǵan jańalyq. The New York Times taǵy da bir jalǵan aqparattyń qurbany boldy, — dep jazdy Rýbıo.

Buǵan deıin NYT AQSh prezıdenti Donald Tramp Memlekettik departamentti aýqymdy qaıta qurý týraly buıryqqa kelesi aptada qol qoıýy múmkin degen maqalany jarııalaǵan bolatyn. Esepte buıryq jobasy AQSh-tyń Afrıkadaǵy qatysýyn aıtarlyqtaı azaıtady, sonyń ishinde 1 qazanǵa deıin Saharanyń ońtústigindegi Afrıkadaǵy birqatar elshilikter men konsýldyqtardy jabady dep aıtylǵan.