Rýbıo 2026 jyly Qazaqstanǵa kelýge nıetti ekenin aıtty
ASTANA. KAZINFORM — AQSh Memlekettik hatshysy Marko Rýbıo kelesi jyly Qazaqstan, Qyrǵyzstan, Tájikstan, Túrkimenstan jáne Ózbekstanǵa kelýge nıetti ekenin málimdedi, dep habarlaıdy TASS.
— Men kelesi jyly osy 5 elge barýǵa nıettimin. Bul bir apta nemese odan da uzaq sapar bolatynyn bilemin, — dedi ol Memlekettik departamenttiń bes eldiń syrtqy saıası vedomstvolarynyń basshylary qatysqan qabyldaýynda.
AQSh-tyń memlekettik hatshysy amerıkandyq bıznes Ortalyq Azııa elderiniń naryǵyna qoljetimdilikti keńeıtýge múddeli ekenin atap ótti. Rýbıo sońǵy 10 jylda Amerıka bıligi bul aımaqqa jetkilikti nazar aýdarmaǵanyna qynjyldy. Ol AQSh prezıdenti Donald Tramptyń ákimshiligi Qazaqstanmen, Qyrǵyzstanmen, Tájikstanmen, Túrkimenstanmen jáne Ózbekstanmen «ekijaqty negizde nemese óńir deńgeıinde birlesip jumys isteýge» nıetti ekenin atap ótti. Sondaı-aq ol aq úıdiń basshysy Vashıngtonda 6 qarasha kúni 5 eldiń basshysymen kezdesetinin aıtty.
Osyǵan deıin Memleket basshysy Qasym-Jomart Toqaev Vashıngtonǵa issaparmen barǵanyn jazdyq.
Prezıdent sapar barysynda AQSh-ta oqıtyn qazaq stýdentterimen kezdesti.