Rýbıo Meksıka men Ekvadorǵa barmaqshy
ASTANA. KAZINFORM – AQSh Memlekettik hatshysy Marko Rýbıo 2-4 qyrkúıek aralyǵynda Meksıka men Ekvadorǵa barýdy josparlap otyr. Ol atalǵan elderde bılik ókilderimen esirtki kartelderimen kúres máselesin talqylamaqshy. Bul týraly Memlekettik departamenttiń baspasóz qyzmetiniń jetekshisi Tommı Pıgottyń 28 tamyz kúni jarııalanǵan málimdemesinde aıtylǵan, dep jazady reseılik TASS.
Rýbıonyń sózinshe, ol Meksıka men Ekvadorǵa AQSh úshin basym mindetterdi sheshý úshin bara jatyr.
- Bul mindetterdiń arasynda kartelderdi joıý boıynsha jedel ári senimdi qadamdar, fentanıl kontrabandasynyń jolyn kesý men zańsyz kóshi-qon, saýda defıtsıtin qysqartý, ekonomıkalyq damýǵa yqpal etip, osy qurlyqtan atalǵan mindetterdiń oryndalýyna keri áser etip otyrǵan kúshterge qarsy turý áreketteri bar, - dedi Pıggot.
Málimdemede Rýbıonyń osy óńirge sapary AQSh-tyń óziniń shekarasyn qorǵaýǵa, esirtki men terrorızmnen elge tóngen qaýiptiń aldyn alýǵa degen umtylysynyń kórinisi ekenin aıtylǵan.
Vashıngton ákimshiligi 2025 jyldyń tamyzynda esirtki kartelderimen kúres degen jeleýmen Venesýela jaǵalaýlaryna AQSh Teńiz kúshteriniń úsh esmınetsin jibergen. Sondaı-aq osy aýdanǵa atom súńgýir qaıyǵy men zymyrandyq kreıser shyqqan.
The New York Times basylymynyń jazýynsha, AQSh prezıdenti Donald Tramp latynamerıkalyq esirtki kartelderine qarsy áskerı kúshti qoldaný týraly derektıvaǵa qupııa jaǵdaıda qol qoıǵan.
Osyǵan deıin Bloomberg AQSh esirtki kartelderimen kúreske 4 myń teńiz jaıaý áskerin jiberetinin jazǵan bolatyn.
Sondaı-aq AQSh-tyń áskerı qyzmetshileri Kolýmbııa okrýginde atys qarýyn alyp júredi.