Rýandanyń shyǵysynda naızaǵaıdan 9 adam mert boldy
ASTANA. KAZINFORM - Rýandanyń shyǵysynda 15 adamdy naızaǵaı soǵyp, 9 adam mert boldy, qalǵandary zardap shekti. Bul týraly jergilikti BAQ jarııalaǵan, dep habarlaıdy Sınhýa.
Oqıǵa Rýandanyń shyǵys provıntsııasyndaǵy Ngoma okrýginiń Harama sektorynda jeksenbi kúni keshkisin bolǵan.
Qurban bolǵandar jumystan soń jaýynnan qorǵaný úshin ózderiniń baqshalaryn panalamaq bolǵan jergilikti fermerler bolyp shyqty, dep habarlady Shyǵys provıntsııanyń gýbernatory Pıýdens Rýbıngısa Rýandanyń teleradıohabarlar taratý agenttigine. Sondaı-aq ol zardap shekkender jergilikti aýrýhanaǵa jetkizilgenin málim etti.
Sarapshylardyń aıtýynsha, Rýandanyń shyǵys men batysynda jergilikti releftiń ereksheligine baılanysty naızaǵaı jıi soǵady.
Osyǵan deıin Qazaqstannyń Aýǵanstan men Rýandanyń jer qoınaýyn zerttep jatqany týraly jazdyq.