Rýanda Parlamenti el aýmaǵynda «VVS» telearnasynyń taralýyn toqtatty
ASTANA. QazAqparat - Rýanda Respýblıkasynyń Parlamenti 1994 jyly bolǵan genotsıd týraly derekti fılm túsirgeni úshin el aýmaǵynda «Bı-bı-sı» telearnasynyń taralýyna toqtaý salý týraly sheshim qabyldady, dep habarlady VVS.
«Rýanda: aıtylmaǵan tarıh» baǵdarlamasynda 20 jyl burynǵy tragedııalyq oqıǵa týraly ártúrli kózqarastaǵy adamdardyń pikirleri, sonyń ishinde qazirgi bıliktiń qarsylyǵyn týdyratyn oı-tujyrymdar aıtylǵan.
Rýanda Parlamenti depýtattary, telearnanyń taraýyn toqtatyp qana qoımaı, fılmdi túsirýge kómektesken reporterlar men prodıýserdi sotqa bermek.
El astanasy Kıgalı qalasyndaǵy Bı-bı-sı bıýrosynyń aldynda 150 adam mıtıng ótti.
Qoǵamdyq jıynǵa qatysýshylar korporatsııanyń dırektory Tonı Hollǵa ashyq hat joldap, fılmdi túsirýshiler genotsıd qurbandaryn qorlaǵanyn jáne tarıhty burmalaǵanyn aıtty.
