Rýanda astanasynda úshinshi ret «kóliksiz kún» ótkizildi
ASTANA. QazAqparat - 14 tamyzda Rýanda astanasy Kıgalıde úshinshi márte «kóliksiz» kún ótti. Saǵat 7.00-den 12.00-ge deıin kóshelerdiń basym bóligi avtomobıl qozǵalysy úshin jabyldy, dep jazdy Quarz.
«Bul shara qala turǵyndarynyń ózara aralasýyna, sportpen aınalysýǵa, ınfektsııalyq emes aýrýlardan medıtsınalyq tekserýden ótýge sebepshi bolady», - dep habarlady astana merııasynyń baspasóz qyzmeti. Test Amahoro stadıonynda ótti.
«Avtomobılsiz kún» - qalalyq keńistikti ońtaılandyrý, atmosferanyń lastanýyn azaıtýǵa baǵyttalǵan dúnıejúzilik aktsııa. Jyl saıyn aktsııa 22 qyrkúıekte ótedi, ár qalalar men elderde óz belgilegen kúnderi bar. Rýanda bıligi Afrıkanyń eń ekologııalyq qalasy ataný úshin mundaı aktsııany aıyna bir ret ótkizýge ýáde berdi.
