RTK: Jýrnalısti óltirgen kúdikti Máskeýde ustaldy
ASTANA. QazAqparat - Reseı Tergeý komıteti Ulttyq jańalyqtar qyzmetiniń redaktory Aleksandr Rýbtsovty óltirgen kúdikti er adamdy ustaǵanyn habarlady.
Aýyr jaraqattar men uryp-soǵý belgilermen 35 jastaǵy jýrnalıstiń múrdesi Máskeýdegi onyń páterinen tabylǵan.
UJQ saıtyndaǵy habarlamada Rýbtsovty 3 mamyrda óltirgen delingen, onyń páterin tonap ketken.
Tergeý komıtetiniń derekterine qaraǵanda, ony óltirgen 1986 jyly týylǵan er adam bolýy múmkin. «Qylmys oryn almas buryn jábirlenýshi ustalǵan er adamǵa (birge turyp jatqan) páter kiltin bergeni anyqtaldy», - dep habarlady TK.
Kúdiktige aıyp taǵyldy, ony qamaýda ustaý túrinde bultartpaý sharalaryn qabyldaý máselesi sheshilýde. Sot-medıtsınalyq, molekýlıarlyq-genetıkalyq jáne daktıloskopııalyq saraptama taǵaıyndaldy, delingen habarlamada.
UJQ agenttigi - "Nashe Radıo", Rock FM, Best FM jáne "Radıo JAZZ" - tórt radıostansasyna jańalyqtar jetkizedi. Sońǵy eki jylda Aleksandr Rýbtsov osy radıo stansalarda jańalyqtar shyǵarylymyn júrgizgen.
