Rojdestvo júrekke mahabbat, izgilik nárin sebetin merekeniń biri - Qaraǵandy oblysynyń ákimi

ASTANA. QazAqparat - Qaraǵandy óńiriniń basshysy Nurmuhambet Ábdibekov oblys ortalyǵyndaǵy Svıato-Vvedensk soborynda bolyp, pravoslav hrıstıandaryn Rojdestvo merekesimen quttyqtady, dep habarlady QazAqparatqa aımaq ákimdiginiń baspasóz qyzmetinen.

«Rojdestvo - bul adamdardyń júregine mahabbat, meıirimdilik pen izgilik nárin sebetin aıtýly merekelerdiń biri. Olar basqa da dinderdiń moraldyq negizderimen úndese kelip, adamzat balasyn beıbitshilik pen ózara túsinistikke shaqyrady. Bizdiń Otanymyz - Qazaqstan búginde el Prezıdenti Nursultan Ábishuly Nazarbaevtyń sarabdal saıasatynyń nátıjesinde dál osyndaı etnosaralyq jáne konfessııaaralyq kelisimniń tamasha úlgisine aınalyp otyr. Іshki saıası turaqtylyq, etnosaralyq kelisimniń arqasynda biz táýelsizdik jyldarynda tolaǵaı tabystarǵa qol jetkizdik», - dedi oblys ákimi.

Nurmuhambet Ábdibekov ótken jyl óńirdegi Orys pravoslav shirkeýi úshin mańyzdy oqıǵalarǵa toly bolǵandyǵyn atap ótti.

«Óńirimizdegi pravoslav dini ókilderiniń qyzmeti budan ári de rýhanı dúnıemizdi nyǵaıtyp, adamgershilik qundylyqtaryn ýaǵyzdaýǵa baǵyttalady dep senemin», - dep atap ótti aımaq basshysy.