Rojdestvo meıramy Oral qalasynda da keńinen toılandy
ORAL. 8 qańtar. QazAqparat - Rojdestvo meıramy Oral qalasynda da keńinen toılandy. Pravoslavıe dinin tutynýshylar merekesi ádettegideı qaladaǵy shirkeýlerde ótkizildi.
7 qańtar kúni oblys ákimi Nurlan Noǵaev qaladaǵy Qutqarýshy Hrıst hramyndaǵy saltanatty rásimge qatysyp, jınalǵandardy quttyqtap, izgi tilegin bildirdi. Munda oblys basshysymen birge onyń orynbasary Serik Súleımen, qala ákimi Bolat Shákimov keldi.
Atalmysh hramǵa bıyl bes myńdaı adam keldi. Oral jáne Aqtóbe arhıepıskopy Antonııdiń atap ótkenindeı, mundaı izgi mereke adamdardy bir-birin syılaýǵa, jaqsylyq ataýlyny qasterleýge jeteleıdi.
